Pele ilə vida bir gün davam edəcək.

Braziliyalı futbolçu Pele ilə vida yanvarın 2-də yerli vaxtla saat 10:00-da (Bakı vaxtı ilə 17.00) başlayacaq və bir gün davam edəcək.Mərasim "Santos" klubunun "Vila Belmiro" stadionunda keçiriləcək. Futbolçunun tabutu 1956-cı ilin noyabrında "Santos"da debüt etdiyi stadionun ortasına qoyulacaq. Hər kəs oyunçu ilə vidalaşa biləcək. Bundan əlavə, Pelenin tabutu Santos küçələri ilə, eləcə də 100 yaşlı anası Selest Arantesin evinin yanından keçəcək. Bu ərəfədə məlum olub ki, Pele Santosdakı "Ecumenica" nekropolunun ərazisində - şaquli qəbiristanlıqda dəfn olunacaq. Mərasimdə yalnız ailə iştirak edəcək.