"Maçt tv" nin yaydığı məlumata görə FİFA-nın gəldiyi nəticə Rusiya Futbol İttifaqı (RFU) üçün həlledici ola bilər. Təşkilat keçidlə bağlı qərarın verilməsini dekabrın sonuna qədər təxirə salıb. Bundan əvvəl RFU icraiyyə komitəsinin iclasını keçirib, orada Avropa Futbol Assosiasiyaları İttifaqından (UEFA) çıxmaq və Asiya Konfederasiyasına keçmək imkanları müzakirə olunub. Heç bir qərar verilmədi. Məlumatına görə, UEFA bu təşəbbüsə qarşı çıxıb. Fevralın 28-də FİFA və UEFA Rusiya komanda və klublarını beynəlxalq turnirlərdən kənarlaşdırıb. Komandalar avrokuboklarda oynamır, Rusiya komandası isə 2022-ci il dünya çempionatının final mərhələsinə çıxmaq uğrunda mübarizə aparmaq imkanını itirib.