Neymar Braziliya millisinin 1/8 final mərhələsinin oyununa çıxmaya bilər

Verilən məlumata görə, 30 yaşlı futbolçunun aldığı zədə ucbatından turnirin 1/8 final mərhələsindəki oyununu buraxma ehtimalı var. Braziliyanın bu mərhələyə daxil olması halda onun 1/4 final oyununda iştirak etməsi ehtimalı daha yüksək görünür. 2022-ci il dünya çempionatında Neymar qrup mərhələsinin 1-ci turunun Serbiya ilə oyununda (2:0) iştirak edib, 79 dəqiqə meydanda olub və qol vura bilməyib. Serblərlə oyunda zədələnərək 2-ci turun İsveçrə ilə matçını buraxıb (1:0). Braziliya millisi 2 oyunda 6 xalla G qrupunda liderdir və DÇ-2022-nin 1/8 final mərhələsinə vəsiqəni vaxtından əvvəl təmin edib. Bu gün, dekabrın 2-də braziliyalılar Kamerunla qrup mərhələsinin son oyununu keçirəcək.