Erməni mətbuatı: Sülhməramlılar Rusiyadan Dağlıq Qarabağa 35 tondan çox humanitar yük çatdırıblar

Sülhməramlılar məktəbin şagirdlərinə, aztəminatlı ailələrə ərzaq dəstləri paylayıb, uşaq evlərindən birinin şagird və tərbiyəçiləri humanitar yardım alıblar.Rusiyanın Qarabağdakı Sülhməramlı kontingentinin hərbi qulluqçuları Laçın dəhlizi vasitəsilə Xankəndi şəhərinə 35 ton məhsul çatdırıblar." Biz birik" çoxmillətli layihəsindən Rusiyadan yük Rusiya aerokosmik Qüvvələrinin hərbi nəqliyyat aviasiyası tərəfindən Yerevana çatdırılıb. Yükün tərkibində un, günəbaxan yağı, müxtəlif dənli bitkilər, konservləşdirilmiş tərəvəzlər, şəkər, peçenye, qatılaşdırılmış süd, çoxuşaqlı və aztəminatlı ailələr üçün mürəbbə və şirə olan ərzaq dəstləri var.
Humanitar aksiyalar Dağlıq Qarabağın şəhər və yaşayış məntəqələrində keçirilib. Belə aksiyalardan biri Andrey Saxarov adına 8 saylı məktəbdə və Xankəndi şəhər uşaq evində çoxmillətli layihənin könüllüləri ilə birgə keçirilib.
Rusiya sülhməramlıları mütəmadi olaraq yerli sakinlərlə işləmək, köməyə ehtiyacı olanlar haqqında məlumat toplamaq, xeyriyyə təşkilatları ilə qarşılıqlı əlaqə qurmaq və lazımi humanitar yardımı Dağlıq Qarabağdakı uşaq təhsil müəssisələrinə və ailələrinə ötürmək üçün tədbirlər keçirirlər.