Saakaşvili ölüm ayağında

Gürcüstanın keçmiş prezidenti Mixail Saakaşvili ağır vəziyyətdədir. Bu barədə Bazar ertəsi mətbuat konfransında Gürcüstanın Ombudsman Aparatı yanında konsilium həkimi Georgi Qriqolia bildirib.
Mütəxəssis vurğulayıb ki, əgər bir qədər də çəki itkisi davam edərsə, geri dönməz proseslər başlayacaq və o yataqda qalacaq.
Saakaşvilinin başına gələnlər təbiidir: arıqlayır, əzələ və sümük toxumasının məhv edilməsi prosesi gedir. Bu, adekvat müalicə almadığı üçün baş verir" deyə Grigolia jurnalistlərə bildirib.
Həkim qeyd edib ki, hazırda Saakaşvilinin Çəkisi 64 kiloqramdır, lakin kilo itkisi tendensiyası davam edir.
Ombudsman Aparatının həkimləri fevralın 19-da Saakaşvilini müayinə ediblər. Həkimlər qrupunun rəsmi rəyində bir sıra xəstəliklər qeyd olunub. Saakaşvilinin ailə üzvləri onun vəziyyətinin ağır olduğunu bildirirlər. Bundan əvvəl müstəqil həkimlər Saakaşvilinin ağır metallardan zəhərləndiyini bildirmişdilər. Tbilisi şəhər məhkəməsində Saakaşvilinin xarici klinikada müalicəsi üçün həbs cəzasının icrasının mümkün qədər təxirə salınması işinə baxılırdı, lakin məhkəmə bu vəsatəti rədd etdi.
Saakaşvili 1 oktyabr 2021-ci ildə Gürcüstanda saxlanılıb, bir neçə cinayət işi üzrə ittiham olunur. Siyasətçi bankir Sandro Girgvlianinin öldürülməsi və deputat Valeri Gelaşvilinin döyülməsi ilə bağlı ittihamlarla suçlu bilinir. Birinci halda Saakaşvili üç il, ikinci halda isə altı il azadlıqdan məhrum edilib. Bundan əlavə, o, 7 noyabr 2007- ci ildə müxalifət mitinqinin dağıdılması, "İmedi" televiziya şirkətinin talanı və dövlət büdcəsindən vəsaitin mənimsənilməsi ilə bağlı işlərdə iştirak edir-Məhkəmələr hələ də onlara baxır. Gürcüstanın Baş naziri İrakli Qaribaşvili bildirib ki, Saakaşvili uzun müddət həbsdə qalacaq, bütün müddətini çəkəcək.