Qızıl Xaç 4 əcnəbi vətəndaşı Qarabağdan təxliyyə edib

Əcnəbilərin təxliyyəsi Qırmızı Xaç Cəmiyyəti tərəfindən bir sıra ölkələrin nümayəndəlikləri ilə birgə təşkil olunub.
" Bu gün bizim vasitəçiliyimizlə 4 xarici vətəndaşın Ermənistana daşınması təşkil edilib. Bu insanların müxtəlif xroniki xəstəlikləri var və onları çıxarmaq üçün Qırmızı Xaça müraciət ediblər.”, - deyə BQXK-nın Ermənistandakı nümayəndə heyətinin kommunikasiya proqramlarının rəhbəri Zara Amatuni bildirib.
Onların daşınmasını təşkil etmək üçün BQXK-nın əməkdaşları müvafiq xarici nümayəndəliklərə və digər strukturlara müraciət ediblər. Bundan əvvəl Qırmızı Xaç Qarabağdan Ermənistana  4 aylıq xəstə körpəni aparmışdı. Xatırladaq ki, dekabrın 12-də Azərbaycan tərəfi növbəti dəfə Qarabağı Ermənistanla birləşdirən yolu bağlayıb.