Kadırov, Zelenskiyə şeir yazdı

Çeçenistan rəhbəri Ramzan Kadırov, Vladimir Zelenskinin siyasətini şeirlə ələ salıb. Şeir Kadırovun Telegram kanalında dərc olunub. Orada Ramzan, Ukrayna prezidentini Ağ Evdə yazılmış ssenari üzrə öz rolunu oynayan təlxək və ikiüzlü adlandırıb. Kadırov hesab edir ki, Zelenski ölkəni və xalqı “ vecinə almır”, onun məqsədi “ümumbəşəri yanğını alovlandırmaqdır. Lakin onun da sonu eyni olacaq - əsirlikdə biabırçı həyat".
Çeçenistan lideri daha əvvəl təklif etmişdi ki, Ukrayna rəhbəri Qroznıda "Vladimir Putin" prospektində baş süpürgəçi ola bilər. Xatırladaq ki, noyabrın ortalarında Ukrayna Təhlükəsizlik Xidməti Ramzan Kadırovu “aqressiv müharibə və təcavüzkar hərbi hərəkətlərə” görə axtarışa vermişdi.