13 ildən sonra Netanyahu Ərdoğana zəng etdi

İsraildə hökuməti qurmaq həvalə edilmiş Benyamin Netanyahu prezident Ərdoğana telefonla zəng edərək İstanbulda törədilən terror aktına görə başsağlığı verib. Netanyahu Türkiyənin Rusiya və Ukrayna arasında vasitəçilik səylərinin dünya üçün əhəmiyyətli olduğunu da bildirib.
Prezident Ərdoğan isə başsağlığı üçün Binyamin Netanyahuya təşəkkür edib və iki gün əvvəl İordan çayının qərb sahilində baş verən hadisədən üzüldüyünü dilə gətirib.
Ərdoğan İsraildəki seçki nəticələrinin ölkə və region üçün xeyirli olmasını arzulayıb.
Türkiyə-İsrail münasibətlərində hər iki tərəfin güclü iradəsi sayəsində yeni bir dövrə qədəm qoyduqlarını deyən Prezident Ərdoğan, qarşılıqlı maraqlar əsasında həssaslıqlara hörmətlə yanaşaraq münasibətlərin davam etdirilməsinin və möhkəmlənməsinin ortaq mənafeyə uyğun olduğunu bildiribş