Peşə təhsilində qəbul planı açıqlandı

“2020-ci ildən etibarən peşə təhsilinə qəbul olunanların sayı 90 faiz artıb”.
protest.az AzEdu.az-a istinadən xəbər verir ki, bu sözləri Peşə Təhsil üzrə Dövlət Agentliyinin direktoru İlqar Bayramlı media nümayəndələri üçün keçirilən brifinqdə çıxışı zamanı səsləndirib.
Direktor bildirib ki, peşə təhsilinə marağın artması qəbul göstəricilərində də öz əksini tapır:
"2026/2027-ci tədris ili üzrə 78 peşə təhsili müəssisəsində 149 ixtisas üzrə ümumilikdə 33 120 plan yeri ayrılıb.
Ayrılmış plan yerlərinin 3 000-i ilk peşə təhsili, 27 260-ı texniki peşə təhsili, 2 860-ı isə yüksək texniki peşə təhsili səviyyələrinə aiddir.
"Cari tədris ili üzrə 28 140 tələbənin peşə təhsili müəssisələrinə qəbul olunması hədəflənir.
Həyata keçirilən islahatlar, əmək bazarının tələblərinə uyğun ixtisasların yaradılması və təhsil müəssisələrinin infrastrukturunun yenilənməsi peşə təhsilinə marağın artmasına müsbət təsir göstərib".