Rostovlu həkim və əri Ermənistanda istirahət edərkən vəhşicəsinə qətlə yetirildi

Rostovdan olan endokrinoloq və onun əri Ermənistandakı qohumlarına qonaq gedərkən qətlə yetirilib. Cinayət Kotayk rayonunun Zovaşen kəndində baş verib. 44 yaşlı Marina Ayrapetyan və 46 yaşlı əri Vaqa Martirosyan "Audi" ilə ailə şənliyinə gedirmiş. Yolda dincəlmək üçün dayanıblar. Və həmin zaman naməlum təcavüzkar onları ov tüfəngi ilə güllələyib. Qurbanların 15 yaşlı qızı qalıb.

KİV-lər iddia edir ki, hər iki cəsəddə təkcə güllə yaraları deyil, həm də yaba dəlikləri var. İlkin məlumatlara görə, 61 yaşlı təcavüzkar cütlüyün avtomobilini oğurlamağa cəhd edib, lakin onlar bundan imtina etdikdən sonra o kişi və qadını öldürüb.

Həmçinin bildirilir ki, qətldən sonra hücum edən şəxs hadisə yerindən qaçıb və bir neçə saat ərzində Zovaşen kəndi yaxınlığında daha iki nəfəri öldürüb. Şübhəli şəxs saxlanılıb, ona qarşı 20 ildən- ömürlük həbs cəzası nəzərdə tutan cinayət işi açılıb.