Ermənistanda arvadını və qızını yandırmağa cəhd edən şəxs həbs edilib

Qadın xəstəxanaya yerləşdirilib, qıza təcili yardım briqadası tərəfindən ilkin tibbi yardım göstərilib.
Ermənistanda sərxoş halda arvadını və qızını yandırmağa cəhd edən şəxs saxlanılıb, bu barədə shamshyan.com kriminal xəbər saytı məlumat yayıb.
Hadisə avqustun 10-da baş verib. 51 yaşlı David A. 46 yaşlı həyat yoldaşı və 14 yaşlı qızının üzərinə benzin töküb, sonra isə yandırıb.
Köməyə gələn qonşular yanğını söndürüb. Hadisə nəticəsində qadın xəstəxanaya yerləşdirilib, qıza təcili tibbi yardım briqadası tərəfindən ilkin tibbi yardım göstərilib.
Faktla bağlı cinayət işi açılıb. Kişi polisə aparılıb.