Bəxtiyar Hacıyevin evində axtarış aparılır - Polisdən AÇIQLAMA

Hazırda həbsdə olan ictimai fəal Bəxtiyar Hacıyevin və atasının, həmçinin dostlarının evində və avtomobilində axtarış aparılması ilə bağlı məlumat yayılıb.
DİN-in mətbuat xidmətinin əməkdaşı, polis leytenantı İbrahim Əmiraslanlı bildirib ki, Bəxtiyar Hacıyevin yaşadığı evdə axtarış aparılması cinayət işi üzrə istintaq hərəkətləri çərçivəsindədir. Saxlanılan yoxdur.Qeyd edək ki, B. Hacıyev ötən ilin dekabrın 9-da xuliqanlıq və məhkəməyə hörmətsizlik ittihamı ilə saxlanıb. Məhkəmə onun barəsində həbs-qətimkan tədbiri seçib.