Azərbaycana taxıl tədarükünü ARTIRIB

Bu il sentyabrın 1-dən 25-dək Qazaxıstanda yeni taxıl məhsulunun daşınması həcmi ötən ilin müvafiq dövrünə (878 min ton) nisbətən 14% artaraq 1 milyon ton təşkil edib.
protest.az Qazaxıstan Kənd Təsərrüfatı Nazirliyinin məlumatına istinadla xəbər verir ki, ümumi həcmdən daxili ehtiyaclar üçün 258 min ton taxıl daşınıb (2024-cü ildə bu göstərici 155 min ton olub), məhsulun 777 min tonu isə ixrac olunub (ötən il 723 min ton).
Qonşu ölkələrə taxıl ixracında müsbət tendensiya müşahidə olunur: Özbəkistana 31%, Tacikistana 15%, Qırğızıstana 42%, Azərbaycana isə 2 dəfə (12 min tona qədər) artım qeydə alınıb.