Milan Modelyer Corci Armani ilə vidalaşdı

Corci Armani, bir neçə gün əvvəl 91 yaşında dünyasını dəyişib.
Milanda dünyaca məşhur modelyerlə vida mərasimi başlayıb. İki gün davam edəcək mərasimi Sky TG24 telekanalı yayınlayacaq.

Modelyerlə vida mərasimi Armani/Teatro sərgi məkanında keçirilir. O, Moda evinin baş ofisinin yanında yerləşir. Mərasimdə hər kəs iştirak edə bilər və indi artıq tabutun yanında uzun növbə yaranıb. Amma Armani-nin özünün istəyi ilə şirkətin işçiləri əvvəlcə gedə bilər.

İki gün ərzində mərasimə tanınmış şəxslərin gələcəyi gözlənilir. Və müxtəlif sahələrdən. O cümlədən siyasətçilər, iş adamları, aktyorlar və rejissorlar, idmançılar.

Xatırladaq ki, əfsanəvi modelyerin vəfatı cümə axşamı, sentyabrın 4-də məlum olub. O zaman xəbər yayılmışdı ki, Armani 91 yaşında dünyasını dəyişib. Çoxları onu dünya ulduzlarının sevimlisi və işgüzar birisi kimi xatırlayacaq. Çünki o, həyatının son aylarına qədər yeni kolleksiyalar üzərində işləmişdir.