Ermənistanda təyyarə qəzaya uğrayıb. Ölənlər var

Ermənistanda yüngül mühərrikli təyyarə qəzaya uğrayıb - iki yanmış cəsəd tapılıb. Qəzanın ilkin səbəbi pis hava şəraiti, xüsusən də görmə məsafəsinin aşağı olması və relyef ərazisi olub. Kotayk bölgəsində B55 təyyarəsinin qəzaya uğraması nəticəsində ölənlər Rusiya vətəndaşları olub. Bu barədə Kotayk Regional Xilasetmə İdarəsinin rəisi Gevorq Sedrakyan məlumat verib. Onun sözlərinə görə, təyyarə Ermənistanın Kotayk rayonunun Craber kəndindəki qum mədəninin ərazisinə düşüb. Hadisənin ilkin səbəbi kimi əlverişsiz hava şəraiti göstərilir: qalın duman fonunda görmə qabiliyyətinin az olması, eləcə də relyefin kifayət qədər sərt olması. Yanmış iki cəsəd hələlik təxliyə edilməyib, çünki müstəntiqlər hələ də fövqəladə hadisə yerində işləyirlər. İlkin versiyaya görə, təyyarə özəldir və Slovakiyada qeydiyyatdadır. Vətəndaşlar Zvartnots hava limanından Həştərxana uçurmuşlar.
Qəzaya uğrayan təyyarənin parçaları hələ də tüstülənir, yalnız təyyarənin quyruğu toxunulmaz qalıb.
Xatırladaq ki, “BeechCraft 95” adlı özəl yüngül təyyarə "Zvartnots"dan havaya qalxaraq saat 13:11-də radardan itib. Təyyarənin qalıqları saat 14:20-də aşkar edilib.