Mandat bölgüsü: Paşinyan 64, müxalifət 41 kürsü qazanır

Ermənistanda parlament seçkilərindən sonra səslərin hesablanması davam edir.
protest.az Ermənistan Mərkəzi Seçki Komissiyasına istinadən xəbər verir ki, 98% səslərin toplanmasından sonra Baş nazir Nikol Paşinyanın rəhbərlik etdiyi "Vətəndaş Müqaviləsi" Partiyası səslərin 49,82%-ni toplayıb. 
 Son mənzərəyə görə, Paşinyanın rəhbərlik etdiyi siyasi qüvvə parlamentdə 64, "Güclü Ermənistan" Partiyası 29, "Ermənistan" Bloku isə 12 kürsüyə (mandata) sahib olacaq.
Ermənistan Respublikasının Konstitusiyasına əsasən, Baş nazirin seçilməsi, Nazirlər Kabinetinin (hökumətin) tərkibinin təsdiqlənməsi, eləcə də adi qanunların qəbul edilməsi üçün adi çoxluq (deputatlarının ümumi sayının 50%-i + bir səs) kifayətdir.
Beləliklə, Nikol Paşinyanın partiyası növbəti dəfə təkbaşına hökuməti formalaşdırmaq şansı əldə edir.