2 həftə sonra hərbi xidmətdən qayıdacaqdı, cənazəsi gəldi - FOTO

Xəbər verdiyimiz kimi, Müdafiə Nazirliyinin N saylı hərbi hissəsinin hərbi qulluqçusu, əsgər Bayramov Musa Səhliyar oğlu odlu silahdan açılmış atəş nəticəsində həlak olub.
 
protest.az-ın əldə etdiyi məlumata görə, Musa Bayramov 2005-ci il təvəllüdlüdür.
 
O, Bərdə rayonunun Güloğlular kəndindəndir. Ailədə iki qardaş olublar.
 
Yaxınlarının bildirdiyinə görə, Musa iki həftə sonra hərbi xidməti başa vuracaqdı.
 
Musa Bayramovun nəşi bu gün doğulduğu kənddə torpağa tapşırılacaq.
 
Fakt üzrə Qubadlı hərbi prokurorluğunda Azərbaycan Respublikası Cinayət Məcəlləsinin 120.1-ci (Qəsdən adam öldürmə) maddəsi ilə cinayət işi başlanılaraq şahidlər dindirilib, müxtəlif ekspertizalar təyin edilərək, icraya yönəldilmiş və təxirəsalınmaz zəruri istintaq hərəkətləri həyata keçirilib.
 
Hazırda istintaq davam etdirilir.