Xameneinin xalqa müraciəti: "Bu, düzəlməz ziyana səbəb olacaq " - YENİLƏNİB

"İranlıların İsrailin hücumlarına təmkinli, cəsarətli və vaxtında cavab verməsi onların yetkin, rasional və mənəvi möhkəmliklərinin sübutudur".
protest.az xəbər verir ki, bunu İranın ali lideri Ayətullah Əli Xamenei bu gün xalqa müraciətində deyib.
“İran xalqı ona zorla qəbul etdirilən müharibə qarşısında necə qətiyyətlə dayandıqsa, zorla qəbul etdirilmək istənən sülh qarşısında da eyni qətiyyətlə dayanacaq. Bu xalq heç bir diktəyə tabe olmur”, - Xamenei vurğulayıb.
ABŞ prezidentinin son hədələrinə münasibət bildirən ali rəhbər qeyd edib ki, “İranı, onun xalqını və tarixini bilən insanlar heç vaxt bu xalqla təhdid dili ilə danışmayacaqlar”.
O əlavə edib ki, ABŞ-nin istənilən hərbi müdaxiləsi “əlbəttə ki, düzəlməz ziyana səbəb olacaq”.