Rəsmi Bakı dəvət etdi. Ermənilər gələcəkmi?

"Üçüncü MDB Oyunları 2025-ci il sentyabrın 28-dən oktyabrın 8-dək Azərbaycanın beş şəhərində keçiriləcək". Ermənistan tərəfi Azərbaycanın III MDB Oyunlarında iştiraka dəvətini müzakirə edəcək. Bu barədə jurnalistlərə Ermənistanın təhsil, elm, mədəniyyət və idman naziri Janna Andreasyan məlumat verib. Onun sözlərinə görə, bu məsələ ilə bağlı qərar müxtəlif amillərlə, o cümlədən erməni idmançıların təhlükəsizliyi ilə bağlıdır. "Müvafiq qərar qəbul ediləndə biz bunu ictimaiyyətə açıqlayacağıq", - Ermənistan departamentinin rəhbəri bildirib. Daha əvvəl Oyunların Təşkilat Komitəsinin Azərbaycan üzrə nümayəndəsi Aygül Ağayeva bildirmişdi ki, Bakı Azərbaycanda keçiriləcək III MDB Oyunlarına Ermənistan idmançılarına da dəvət göndərib.