Süni intellektlə çəkilən filmlər "Oskar"a namizəd ola bilər

Süni intellektin (Aİ) köməyi ilə yaradılmış filmlər “Oskar” mükafatları uğrunda mübarizə apara biləcəklər.
protest.az “BBC”yə istinadla xəbər verir ki, ABŞ Kino Sənəti və Elmləri Akademiyası yeni qaydaları açıqlayıb. Həmin qaydalarda bildirilir ki, Aİ və digər rəqəmsal alətlərdən istifadə filmin namizəd göstərilməsinə nə üstünlük verəcək, nə də ona mane olacaq.
Mətn, şəkil, audio və video kimi materialları sadə yazılı təlimatlar əsasında yarada bilən generativ Aİ texnologiyası, bu il əsas mükafatlar qazanmış bəzi filmlərin ərsəyə gəlməsində istifadə olunub.
Buna baxmayaraq, Akademiya vurğulayıb ki, qaliblərin seçilməsində insan amili hələ də əsas rol oynayacaq.
Qaydaların başqa bir dəyişiklik hissəsinə əsasən, Akademiyanın üzvləri final səsverməsində iştirak etmək üçün hər bir nominasiyada göstərilən filmləri tam şəkildə izləməlidirlər. Bu səsvermə nəticəsində isə qaliblər müəyyən olunacaq.