180 uşağı pornoqrafiya biznesinə cəlb edən müəllim həbs edilib

Latviyada 180 uşağı pornoqrafiya biznesinə cəlb edən müəllim həbs edilib. Latviyada həm yerli, həm də xaricdən olan 180-dən çox uşağı pornoqrafiyaya cəlb etməkdə şübhəli bilinən müəllim saxlanılıb. O, distant iş və repetitorluq adı altında cinayət işi təşkil edib. Ştat polisi yetkinlik yaşına çatmayanların cinsi toxunulmazlığına qarşı ağır cinayətlər törətməkdə şübhəli bilinən 1988-ci il təvəllüdlü kişiyə qarşı ittiham irəli sürməyə hazırlaşır. Bu barədə Latviyanın “Lsm” qəzeti öz istintaq orqanlarındakı mənbələrinə istinadən məlumat yayıb.İstintaq müəyyən edib ki, şübhəli şəxs səkkiz il ərzində ən azı 180 uşağa qarşı seksual xarakterli cinayətlər törədib. Onları onlayn soyunmağa məcbur edib və bu materiallardan pornoqrafiya yaratmaq üçün istifadə edib.
Müəllim hazırda həbsdədir. İstintaq materialları və sübutları yoxlayır. İstintaq zamanı məlum olub ki, cinayətkar DARKNET şəbəkəsi vasitəsilə uşaqların cinsi istismarı məsələlərinə dair praktiki tövsiyələrlə fəal maraqlanıb. Bu, onun yetkinlik yaşına çatmayanlarla cinsi əlaqə yaratmaq üçün məqsədyönlü hərəkətlərindən xəbər verir.
Müəllimin cinayət işi üçün təchiz olunmuş şəxsi kabineti var idi, o, özəl onlayn kurslar, distant iş və repetitorluq adı altında fəaliyyət göstərirdi. O, internetdə uşaqlara hücum edərək, onları seksual xarakterli videolar çəkməyə razı salıb.
ABŞ-da da müəllimə şagirdini çoxsaylı zorlamalara məruz qoyduğuna görə həbs edilib. İndi amerikalı müəlliməni 15 ilə qədər həbs gözləyir.