İrəvan merinin müavini Gevork Simonyan həbs edildi

İrəvanın vitse-meri, Ermənistan Səhiyyə nazirinin keçmiş müavini Gevork Simonyan pandemiya zamanı sui-istifadə şübhəsiylə tutulub. Bundan əvvəl, Ermənistan Milli Təhlükəsizlik Xidmətinin işçilərinin Koronavirus pandemiyası zamanı sui-istifadə iddiaları ilə əlaqədar açılan cinayət prosesi çərçivəsində Simonyanın ofisində axtarış aparıldığı bildirilmişdi.
Xatırladaq ki, Simonyan 2022-ci ilin fevralında İrəvanın vitse-meri vəzifəsinə təyin edilmişdi. 2018-ci ilə qədər isə özəl sektorda çalışmış, tibb mərkəzlərindən birini idarə etmişdir. 2018-ci ildə isə o zaman Səhiyyə Naziri Arsen Torosyanın müşaviri olub.