“Kəpəz” Tərlan Əhmədovla yolları ayırdı, yeni məşqçinin kimliyi bəlli oldu

Tərlan Əhmədovla yollarını ayıran “Kəpəz”in yeni baş məşqçisi müəyyənləşib.
Protest.Az-ın əldə etdiyi məlumata görə, Gəncə klubu elə gəncəli mütəxəssisə tapşırılacaq.
“Sarı-göylər” son olaraq “Səbail”də baş məşqçi Şahin Diniyevin köməkçisi olmuş Azər Məmmədovla anlaşıblar.
Onun köməkçiləri də məlumdur. A.Məmmədova Etibar İbrahimov və Xaliq Mərdanov kömək edəcəklər. Komandada qapıçı məşqçisi də gəncəli olacaq. Ancaq onun kimliyini dəqiqləşdirmək hələlik mümkün olmayıb.
Qeyd edək ki, ötən mövsüm “Kəpəz”ə gəncəli mütəxəssisin rəhbərlik etməməsi yerli futbol ictimaiyyətinin narazılığına səbəb olub.