İspaniyalı futbolçu Serxio Ramos PSJ-dən ayrılacaq

Fransa 1-ci Futbol Liqası (Liqa 1) komandası Paris Saint-Germain (PSJ) ispan müdafiəçisi Serxio Ramos mövsümün son oyunundan sonra komandadan ayrılacaq.

Protest.az xəbər verir ki, PSJ klubundan verilən açıqlamada müqaviləsi yenilənməyən Ramosun ötən həftə Liqa 1-də bu axşam Klermontla oynanılacaq matçdan sonra komandadan ayrılacağı bildirilib. Karyerasında ölkəsinin "Sevilya” və "Real Madrid” komandalarında çıxış edən Ramos 2021-ci ildə PSJ-yə keçib. İki dəfə Liqa 1 çempionu, bir dəfə Fransa Superkubokunu qazandığı PSJ-də 57 oyun keçirən 37 yaşlı Ramos 5 qol vurub.

Keçən həftə çempionluğunu elan edən PSJ-də Klermon matçından sonra argentinalı ulduz Lionel Messinin, eləcə də Ramosun komandadan ayrılacağı açıqlanıb.