Azərbaycan taekvondoçuları bu gün də medal qazana bilmədi

Azərbaycan taekvondoçuları Bakıda keçirilən dünya çempionatında bu gün də medal qazana bilməyiblər.
Protest.Az xəbər verir ki, Eltac Qafarov 1/4 finala qədər irəliləsə də, bundan artığına gücü çatmayıb. 74 kq çəki dərəcəsində çıxış edən idmançı 1/16 finalda monteneqrolu Vasiliy Peruniçiçi, 1/8-də norveçli Sebastian Tuneni mübarizədən kənarlaşdırıb. Lakin o, yarımfinala vəsiqə uğrunda qarşılaşmada Marko Qolubiçə uduzub.
Qadınların yarışında 62 kq-dakı Fatimə Məcidova isə 1/16 final mərhələsində Kristina Kaspaya (İtaliya) məğlub olub. 
Qeyd edək ki, daha əvvəl Azərbaycanın 9 təmsilçisi medalsız qalıb.