Futbolçunun bu hərəkəti narazlığa səbəb oldu

Dünən gecə qolsuz heç-heçə ilə başa çatan ABŞ-İngiltərə matçı azərkeşlər tərəfindən turrnirin ən maraqsız oyunlarından biri kimi qiymətləndirilib. Hətta iş o yerə çatıb ki, görüşün ən yaddaqalan məqamı ABŞ millisinin sağ yarımmüdafiəçisi Ueston Makkenninin davranışı olub. Belə ki, "Yuventus"un yarımmüdafiəçisi matça kənar xətt arxasından daxil olan zaman, qəflətən əllərinin tərini yanındakı yaşlı fotoqrafın gödəkçəsinə silib. Fotoqrafın özü bu vəziyyətə yumorla reaksiya versə də, çoxları futbolçunun davranışını hörmətsizlik hesab edib.  Lakin bu etirazı Makkenni heç nə etməmiş kimi qarşılayıb. Sosial şəbəkələrdə isə azarkeşlər onu "qanmaz", "kütbeyin" və.s adlandırıblar.