Putin-Tramp görüşü ərəfəsində otel otaqları iki dəfə bahalaşıb

Alyaska sammiti otel qiymətlərini bahalaşdırdı: otaqlar Putin-Tramp görüşü ərəfəsində dondurma  kimi satılır.
Putin-Tramp görüşü ərəfəsində otel otaqları iki dəfə bahalaşıb.
Protest.az Rusiya mətbuatına istinadən xəbər verir ki, Prezident Vladimir Putin və ABŞ lideri Donald Tramp arasında yaxınlaşan görüşdən sonra Alyaskanın turizm sənayesində əsl bum başlayıb. Sammit xəbəri yerli turoperatorlar arasında həyəcan fırtınasına səbəb olub və bu, Ankoric və ştatın digər şəhərlərində otellərdə yerləşmə qiymətlərinin kəskin artmasına səbəb olub.
Alyaskanın ən məşhur otellərindən birində qalmanın qiyməti təxminən iki dəfə artıb. Əgər əvvəllər otaqda gecələmək təxminən 347 dollar təşkil edirdisə, indi qiymətlər 657 dollara çatıb. Oxşar tendensiyalar digər otellərdə də müşahidə olunur. Xatırladaq ki, Vladimir Putinlə Donald Tramp arasında görüş avqustun 15-i cümə gününə planlaşdırılıb və Alyaskada baş tutacaq. Liderlər Ukraynadakı münaqişənin həllinin uzunmüddətli yollarını müzakirə etmək niyyətindədirlər. Rusiya prezidentinin köməkçisi Yuri Uşakov qeyd edib ki: Rusiya və ABŞ qonşudur və danışıqların Alyaskada aparılması məntiqlidir. Bundan əlavə, liderlərin növbəti görüşünün Rusiya ərazisində keçirilməsi ilə bağlı dəvət artıq çatdırılıb.