Kiprdə Azərbaycan səhiyyəsi böyük maraq doğurdu

Şimali Kipr Türk Respublikasında 19-22 aprel tarixlərini əhatə edən “Akademik Daxili Xəstəliklər Konqresi 2026” adlı tədbir keçirilir.
protest.az xəbər verir ki, tədbirdə 17 ölkədən daxili xəstəliklər üzrə həkim-mütəxəssislər iştirak edir.
Konfransda Türkiyə Daxili Xəstəliklər Uzmanlar Cəmiyyətinin üzvü, Bakı Sağlamlıq Mərkəzinin direktor müavini, həkim-terapevti Zakir Quliyev Azərbaycanı təmsil edir. O, “Anemiya müalicəsində ferritin neçə olmalı?” mövzusunda təqdimatla çıxış edərək mövcud yanaşmalar barədə məlumat verib. Tədbir çərçivəsində son dövrlərdə geniş yayılmış daxili xəstəliklər üzrə müasir diaqnostika və müalicə protokolları ətraflı müzakirə edilib, praktiki yanaşmalar ətrafında fikir mübadiləsi aparılıb.
Konfransda Azərbaycanda tibb sahəsinin inkişafı və səhiyyə sistemində müsbət dəyişikliklərlə bağlı Zakir Quliyev iştirakçılara geniş məlumat verib. O, həmçinin iştirakçıları maraqlandıran sualları cavablandırıb. Azərbaycanda səhiyyənin inkişafı iştirakçılar tərəfindən böyük maraq doğurub və rəğbətlə qarşılanıb.
Xəbər lenti
Çox oxunanlar