Ukraynada 60 yaşdan yuxarı şəxslər hərbi xidmət çağırılacaq

Ukraynada yaşı 60-dan yuxarı olan şəxslərin müqavilə əsasında xidmət etməsinə icazə verilib.
protest.az xəbər verir ki, müvafiq qanunu Ukrayna prezidenti Volodimir Zelenski imzalayıb. 
Məqsəd irimiqyaslı müharibə zamanı ölkənin müdafiə qabiliyyətini gücləndirmək üçün təcrübəli və həvəsli vətəndaşları cəlb etməkdir.


Sənəd 60 yaşdan yuxarı şəxslərə hərbi vəziyyət dövründə Ukrayna Silahlı Qüvvələrində xidmət etmək üçün könüllü müqavilə bağlamaq hüququ verir. Xüsusilə, hərbi həkim komissiyasının rəyi əsasında xidmətə yararlı hesab edildikdə həm kişilər, həm də qadınlar tərəfindən imzalana bilər.
Qanunda iki aylıq sınaq müddəti nəzərdə tutulub: bu müddət ərzində namizədin hərbi xidmətin tələblərinə uyğunluğu yoxlanılır. Və əgər şəxs meyarlara uyğun gəlmirsə, müqaviləyə vaxtından əvvəl xitam verilir. O, meyarlara cavab verərsə, müqavilə uzadılma imkanı ilə bir il müddətinə bağlanır.
Xəbər lenti
Çox oxunanlar