İki ölkə “Colgate”in satışını qadağan edib

Argentinanın Milli Dərman, Qida və Tibbi Texnologiyalar üzrə Nəzarət İdarəsi (ANMAT) ölkədə “Colgate Total Clean Mint” diş pastasının satışını rəsmi şəkildə qadağan edib. protest.z xəbər verir ki, qurumun açıqlamasına görə, qərar istifadəçilərdən gələn şikayətlərin artması səbəbindən verilib.
Argentinada bu məhsulla bağlı 21 şikayət qeydə alınıb. İstehlakçılar ağız boşluğunda qıcıqlanma, yanma, diş ətində şişkinlik və ağrılı yaralar kimi problemlər yaşadıqlarını bildiriblər. Bəzi hallarda zərərçəkənlər tibbi yardıma müraciət etmək məcburiyyətində qalıblar.


ANMAT bildirir ki, Braziliyada da bu məhsulla bağlı 11 minə yaxın oxşar şikayət daxil olub. Hətta həmin ölkənin müvafiq qurumu bu ilin may ayında “Colgate Total Clean Mint” pastasının satışını dayandırıb.
Hər iki ölkədə satışda olan məhsul Braziliyada yerləşən zavodda istehsal olunur.
Xəbər lenti
Çox oxunanlar