Mayın 20-dən sürücülər 2 il müddətinə vəsiqələrindən MƏHRUM EDİLƏCƏK

Rusiyada alkoqol və narkotik sərxoşluğu vəziyyətində sükan arxasına keçən sürücülərlə bağlı problem hələ də ciddi olaraq qalır.
Rəsmilər bu təhlükəli tendensiyanın qarşısını almaq üçün daha sərt tədbirlərə əl atırlar.
2025-ci il mayın 20-dən etibarən Dövlət Yol Hərəkəti Təhlükəsizliyi Müfəttişliyi istisnasız olaraq bütün sürücüləri yoxlamağa başlayacaq və sərxoş halda avtomobil idarə edənlərin sürücülük vəsiqəsi 2 il müddətinə ləğv olunacaq.
Rusiya DİN-in məlumatına görə, 2024-cü ildə alkoqol və narkotik təsiri altında sükan arxasına keçən sürücülərin iştirakı ilə 11 485 yol-nəqliyyat hadisəsi qeydə alınıb. Bu, 2023-cü illə müqayisədə 0,4% azalma olsa da, ümumi qəza statistikasının təxminən 10%-ni təşkil edir.
Daha narahatedici göstərici isə budur ki, bütün ağır nəticəli qəzaların 20%-dən çoxu məhz sərxoş sürücülərlə bağlıdır.