İran səfirlə bağlı xəbəri təkzib etdi

İranın Beyrutdakı səfirliyi “The New York Times” (NYT) qəzetinin Livanda rabitə vasitələrinin partlaması nəticəsində İslam Respublikasının səfiri Müctəba Əmaninin görmə qabiliyyətini itirməsi ilə bağlı məlumatını təkzib edib.
protest.az-ın xəbərinə görə, “Biz soydaşlarımıza və media nümayəndələrinə bildiririk ki, səfir Əmaninin müalicə prosesi yaxşı gedir.
Cənab Əmaninin vəziyyəti və görmə qabiliyyəti ilə bağlı yayılanlar şayiədir”, - diplomatik missiyanın “X” (keçmiş Twitter) bəyanatında deyilir.
Daha əvvəl NYT İran İslam İnqilabı Keşikçiləri Korpusundakı mənbələrə istinadən xəbər vermişdi ki, səfir bir gözünü itirib, digəri isə zədələnib.