12 ildə ilk: Bəşər Əsəd Ərəb Liqasının Sammitində iştirak edir

Suriya prezidenti Bəşər Əsəd 12 ildən sonra ilk dəfə Səudiyyə Ərəbistanının Ciddə şəhərində keçirilən Ərəb Liqasının 32-ci Sammitində iştirak edib.
  
 PROTEST xəbər verir ki, Əsədin yenidən Ərəb Liqasına qoşulması Suriyanın ittifaqdan təcrid olunmasına son qoyub
Suriyanın Ərəb Liqasına üzvlüyü Əsədin ölkədə 2011-ci ildə başlayan vətəndaş müharibəsində hökumət əleyhinə fəallara qarşı repressiya və zorakı müdaxilə əmrindən sonra dayandırılıb.
Bu baxımdan Əsəd 12 ildən sonra ilk dəfə Ərəb Liqasının Sammitində iştirak edib.
Ərəb Liqasına üzv olan 22 ölkənin xarici işlər nazirləri mayın 7-də Misirin paytaxtı Qahirədə keçirilən toplantıda Suriyanın birliyə qaytarılmasına qərar verib.
Bu qərardan sonra Səudiyyə Ərəbistanı kralı Salman bin Əbdüləziz Əl Səud Əsədi mayın 10-da keçiriləcək sammitə dəvət edib.