3500 əcnəbi həlak oldu - siyahıda azərbaycanlılar da var

Rusiya-Ukrayna müharibəsində həlak olan əcnəbi döyüşçülərlə bağlı yeni statistika açıqlanıb.

protest.az xəbər verir ki, BBC və "Mediazona"nın apardığı araşdırmaya görə, Rusiya ordusu sıralarında döyüşən 3500-dən çox xarici vətəndaş müharibə zamanı həyatını itirib.

Araşdırmada bildirilir ki, həlak olanlar arasında Şimali Koreyadan 2304 nəfər, 40-dan çox ölkədən isə 1285 nəfər yer alır. Siyahıda Azərbaycan, Özbəkistan, Tacikistan, Kuba, Nepal, Hindistan, Şri-Lanka və Yəmən kimi ölkələrin vətəndaşlarının da olduğu qeyd edilir.

BBC-nin məlumatına görə, NATO rəsmisinin açıqlamasında hazırda Rusiya ordusunda 44 ölkədən təxminən 24 min xarici döyüşçünün xidmət etdiyi bildirilib.

Jurnalistlərin hazırladığı siyahıda Rusiya tərəfində həlak olan hərbçilərin ümumi sayı isə 233 min 33 nəfər göstərilir.