Hindistanda 12 nəfər mərasim zamanı öldü

Hindistanın qərbindəki Maharaştra əyalətində açıq havada keçirilən və minlərlə insanın qatıldığı tədbirdə 12 nəfər həddindən artıq istilər səbəbindən ölüb. 
 BBC-yə istinadən xəbər verir ki, Navi Mumbai şəhərində 1.5 saat davam edən mükafatlandırma mərasimində havanın temperaturu 38 dərəcəyə yüksəlib. Mükafat mərasiminə bir çox yüksək səviyyəli siyasətçilər, o cümlədən daxili işlər naziri Amit Şah və hakim Bharatiya Janata Partiyasınınyerli siyasətçiləri qatılıb. 
Tədbirdən sonra çox sayda insan susuzluq, başgicəllənmə, yüksək təzyiqlə bağlı şikayətlərlə xəstəxanaya yerləşdirilib.