Parada getməyəcəm, Putinə də demişəm - Paşinyan

Ermənistanın baş nazir Nikol Pashinyan ölkəsində aparılan seçki kampaniyası ilə əlaqədar 9 Mayda Moskvada keçiriləcək Qələbə Günü paradında iştirak etməyəcək.

protest.az xəbər verir ki, Paşinyan bu haqda mayın 7-də jurnalistlərə bildirib.

O, parada gedə bilməyəcəyi barədə Rusiya Prezidenti Vladimir Putinə məlumat verdiyini də deyib.
"Aprel ayında Rusiyaya səfərim zamanı Rusiya Prezidentinə seçki kampaniyası səbəbindən 9 May üçün planlaşdırılan tədbirlərdə iştirak edə bilməyəcəyimi bildirmişdim. Artıq seçki kampaniyasında iştirak edəcəyimi də elan etmişəm", - deyə Paşinyan qeyd edib.
Ermənistanda parlament seçkiləri iyunun 7-də keçiriləcək.