Almaniyada ukraynalı qaçqınlara ödənişlər azaldılacaq

protest.az xəbər verir ki, Almaniyanın Bild qəzeti hökumət koalisiyasının ukraynalı qaçqınlara verilən sosial ödənişlərin azaldılması barədə razılığa gəldiyini yazıb.
Məlumata görə, CDU/CSU və SPD partiyaları 2025-ci il aprelin 1-dən sonra Almaniyaya gələn ukraynalıların statusunu dəyişdirərək onları “sığınacaq axtaranlar” kateqoriyasına daxil etmək barədə razılığa gəliblər.
Bu dəyişiklik nəticəsində həmin şəxslər indiyədək aldıqları 653 avroluq əsas yardım əvəzinə cəmi 196 avro sosial ödəniş alacaqlar.
Qəzet yazır ki, qərarın məqsədi sosial sistemə düşən yükü azaltmaq və migrasiya axınını tənzimləməkdir.